與玻璃心不一樣但仍被中共禁播 黃明志的一首新歌墻外是金門觀光主題曲 金門歷史背景 鄧麗君播音牆廣播 神經病 才會說武統 曾抵擋中共進金門的原因

大家收睇足本版 👉 https://youtu.be/sRxmIPDNH34 🔔

喺一個月內,黃明志首玻璃心喺Youtube就hit超過3千萬點擊,一首非常好聽嘅大陸禁歌,雖然大陸入面禁咗,但大陸以外地方,大部分人都聽得好開心,而且啲報道到宜家仍然源源不絕其實淨係歌名都已經知首歌一定畀玻璃心禁,佢照樣跟住佢藝術創作靈感,不畏五毛小粉紅照樣去創作出依首歌。創作就係要係咁,唔可以喺政治上有自我審查,有時甚至要衝破道德界限,簡單講,創作思維一定唔可以有限制。因為創作就係需要選擇,畫畫就係要喺圖形同顏色做選擇,音樂就係要喺樂器同音符做選擇,所以越多選擇才有機會有更多創作。
最近,黃明志仲得到中華民國金門縣政府的觀光處邀請,創作咗另一首歌叫《牆外》,為中華民國去創作首介紹金門縣嘅觀光主題曲。中華民國個管治範圍就係台灣、彭湖、金門及馬祖,就不單單只係台灣島。
首歌開始念詩,念到金門嘅當地嘅特色出品,影片入面就可以見到好多金門景點。
明朝有個叫周德興建城喺島,因「固若金湯、雄鎮海門」所以名叫「金門」。金門近代歷史最出名係八二三砲戰,連續44天幾乎唔停咁發近44萬砲彈的猛烈轟炸,都沒能撼動這艘「不沈的海上航母」。
仲有喺明末清初(1661年),3月1日鄭成功率2萬5000名將士,分乘300幾艘戰船發兵東征,從荷蘭人手中收復了台灣,開啟了台灣經略史上最重要、最關鍵的一頁。
民國38年(1949年)金門陷入咗近無政府嘅混亂狀態,盜匪夜劫或擄人勒贖嘅重大案件頻傳,於是中華民國國軍第12兵團司令胡璉將軍,於10月26日正式接木管金門防務,亦正式宣告金門進入軍管。1954年9月3日下午的「九三砲戰」,以及1958年8月23日下午展開的「八二三砲戰」,每一場戰役都搞到金門鄉親要用血汗寫下歷史輝煌嘅一頁,亦喺金門人心底留低咗一啲難以撫平的傷痛。冇人鍾意打仗,開槍同被槍殺都係無奈,只有精神有問題至會鍾意向人開槍,開口武統埋口武統,都痴撚線。如果要自衛或者真係為保衛家園,咁就只有選擇開槍,亦都係天經地義。
長達50年嘅戰地政務,喺1992年11月7日正式宣告結束,1993年2月7日開放觀光,十幾年嚟,政府、民間都喺度努力轉型。2001年啟動咗兩岸小三通,曾隔絕咗好耐嘅金、廈兩門終於可以再次連結,2004年大陸方面宣布容許福建地區嘅人民進入金門觀光。
今日因習近平依個小學鷄,加埋班智障嘅藍絲五毛,開口埋口就「統」,真係統佢老味!而再度使兩岸嘅關係惡化,最擔心係金門縣嘅老百姓,過去曾經咁多年受到戰爭煎熬,本來可以得到安穩生活,但宜家又有可能要面臨共產黨的侵略?
咁啱依個時候,亞洲第一大紅人黃明志寫咗依首歌,可以係雪中送炭,而且可以畀世人去關注依個小島,希望可以喺浪漫嘅情況下,金門不被共產黨淪陷啦!
依首歌就避開咗好多政治及軍事內容,將一個滿有政治及軍事歷史嘅地方,只唱成一首象羅密歐與茱麗葉嘅浪漫故事,中間用童謠及影像嚟介紹金門,依個自稱「鬼才」就唔係浪得虛名!
影片用咗幾個地方介紹《一條根》,咁《一條根》係乜呢?睇嚟似係一種藥材,咁有乜功效?據謠傳可以治坐骨神經痛仲可以防蚊,而且標榜的功效正是舒筋活血、祛風去濕、解熱鎮痛。一條根又名叫千斤拔,因為他不易拔取,根、莖、葉、花都可以食用,唯有「根部」就用作藥材。 https://www.yitiaogen.com.tw/pages/effects-of-moghania
浪漫故事都要講男女相方點樣認識,正所謂浪漫都要有邏輯。咁就要講個男仔點樣識個女仔?咁有一日,個男仔買貢糖個陣留咗個書包喺個女仔間車尾,跟住個女仔就收埋個書包,個男仔就去到個女仔屋企,抛個貢糖入去女仔間屋,想叫個女仔畀返個書包佢,就咁就開始認識咗。
個男仔抛畀女仔嗰粒糖,就好似花生糖,有乜嘢咁特別可以寸攞嚟溝女?原來貢糖係金門其中一種特產,相傳以前金門啲人為咗繳稅畀朝廷,以當地盛產嘅花生加入麥芽糖,以手工敲擊成一種香酥特殊「花生酥」,因此稱為「摃糖」。而金門貢糖香酥與別不同嘅地方就係入口即溶。
18世紀乾隆末年,花生糖仍然係好珍貴要筵席口嘅時候至有機會食到,平常人好難食到,唔好講依啲精製過嘅”貢糖“了。據說花生糖當作閩南地區嘅貢品係明朝開始,到咗清朝,由於滿州人對花生糖依個貢品更少接觸,所以就更加期待,每次要等到進貢時候,班後宮就會爭餐懵,而且貢糖亦都經常被當作皇上打賞妃嬪嘅點心。而民間應該係喺晚清時期班王爺同班大臣們帶返屋企,跟住慢慢咁傳咗出去。https://www.km321414.com.tw/brand/金門貢糖的由來
影片會見到高粱田,而金門種植嘅高粱嚟釀製嘅酒,就叫高粱酒,因為加埋金門氣候條件配搭,酒質香醇,入喉甘甜,放置咗五年嘅高粱酒,更加有香濃厚口感。
個男仔個唔知係爸爸公公定係爺爺,佢飲緊就支58度金門高粱酒: 源自1962年俗稱為「白金龍」,係具有金門酒廠標誌嘅風格,金門酒廠最特別係釀酒技術同得天獨厚嘅天然泉水,釀造出頂級嘅高粱酒,充份展現出最佳白酒獨特風味。US$ 21.40 (.75 Liter) https://www.kkl.com.tw (禁止酒駕,未滿十八歲禁止飲酒)
最後個女仔要搬走,就可能係咁,所以啲人話聽完玻璃心會笑,聽完墻外會喊。個女仔走嗰陣,男仔就送咗個風獅爺畀佢,咁風獅爺又代表乜嘢?風獅爺係金門獨特民間信仰,早期唔知幾時,金門曾經因林木逐漸消失,加上東北季風非常強勁,搞到成個島飛沙走石。當時啲鄉民就為咗防止風災,喺風大嘅地方設置風獅爺,結果風獅爺就鎮風止煞,咁就形成當地特殊信仰文化,更成為金門守護神。金門一共有100多個風獅爺,其中,金沙鎮就有多成63個,如仔細看風獅爺嘅臉部表情、條頸嘅裝飾,或觀察風獅爺手中之物,大家就可以知道當時金門老百姓所祈求係乜嘢。風獅爺另一個特點,原來有分公乸,兩腳間有葫蘆或明顯器官嘅係公,持有彩球、彩帶即係乸,好多細節係觀察風獅爺樂趣之一。https://www.ydn.com.tw/news/newsInsidePage?chapterID=1250907
金門特產就唔止依四種,仲有芋頭同閩南燒餅都好正,因為想花啲時間講景點,因為景點亦非常特別,所以喺Description度就放咗條Link,大家可以按個連接去了解更多金門特產。
娛樂真係好緊要,所以金門都有戲院叫金東電影院,就喺金門東岸一個鎮叫金沙鎮,1960年台北市議會議長張祥傳先生,為咗慰勞金門前線軍官就捐款錢興建戲院,畀軍人休閒嘅場所。
因為得一間電影院,電影院就緊係場場滿坐,條陽翟街當然亦順勢發展言變成繁榮的商店街:有飛髮舖、桌球室、沖澡揼骨等等店舖,依家條陽翟老街經過整理咗,仲留低一啲當時嘅店舖,而金東電影院就仍然保留當年嘅樣貌,簡單磚砌水泥建築,木製櫃檯同木製座椅,牆上面重留低個紅底白字標語:「為何而戰」,明顯用嚟鼓勵軍隊去對抗共匪。
一個非常浪漫嘅時刻出現,嗰個細路仔想約個女仔去睇戲就唔係傳紙仔,而係要畫公仔,咁個女仔回覆就唔係想睇蜘蛛俠3。如果你哋留意間戲院啲海報,除咗有蜘蛛俠3之外,仲有梁朝偉嘅色戒,不過細路仔就唔睇得,其餘仲有兩張海報呢就睇得唔係好清楚。有趣嘅係 黃明志揀蜘蛛俠3依張海報,其實好多海報可以揀,仲乜揀蜘蛛俠3? 正如我之前所講到創作係有好多嘅選擇要去決定,每個決定背後都有原因,依張海報入面有一個黑色蜘蛛俠同一個紅色蜘蛛俠,兩個蜘蛛俠嘅倒影就喺一個大廈外面嘅玻璃鏡互望, 就好似有墻外墻內嘅意思係入面,就表達兩岸也只不過是倒影,或者想講本是同根生依個意思。
浪漫故事仲未完,個男收到個女仔幅畫之後,佢就畫返幾幅畫畀個女仔,或者想話俾個女仔知,唔睇戲都得,外面仲有依幾個地方可以去玩,一個係軌條砦,另一個係船型堡。嘩,估唔到會係溝女聖地!
軌條砦係國際獨一無二嘅特色景點,就係喺沙灘上放滿晒一支又一支用廢棄咗嘅火車軌製成,頂部就被削尖,每支鐵柱一致向外,喺民國38年(1949年),中華民國軍隊就係靠著依啲軌條砦,成功阻擋中共軍隊登陸。因為退潮時,中共軍隊嘅船隻就離岸太遠就不易登陸,必須等到潮漲嗰陣,咁就等啲船可以比較靠岸,但係一支一支嘅軌條砦就卡住啲船,使到啲船唔易靠近,就因為咁,共匪就無得淪陷金門。大家睇下圖片就知金門離中共國有幾近。當時國軍好清楚「為何而戰」,佢哋就真真正正保家衛國,就唔係好似共匪出條超級爛片「長津湖」所謂抵擋美軍,嗰條不知所謂嘅洗腦片!
另一個地方就叫船型堡,船型堡又叫湖山堡,因為堡疊三層高所以又有稱之三層堡。三層堡壘係當時一班勇敢軍官嘅日常生活嘅地方,一樓是排長室、中山室、軍械室、消防戰備水池;二樓是睡房同彈藥室;堡疊入面有隧道連接去其他地方。 船型堡對外個沙灘上,就佈滿三排軌條砦,完完全全咁整好一個嚴謹防禦措施。堡疊入面又有標語:「與戰地共存亡」,展示軍隊嘅堅決意志。
浪漫故事最精彩就唔係羅密歐與茱麗葉 Happily Ever After,而係分飛燕。唉!個男仔無機會帶個女仔去睇睇依兩個景點,所以首歌就唱到 「想要帶妳漫步天際 自由遨翔在天空裡 或許這是命運將我們隔離 卻無法掙脫回擊 … 我只能盡力相信 相信我們總會相遇 會在某年某月某一個轉移」,到依度就派紙巾…
大家知唔知黃明志企喺乜嘢前面呢?嗰度就係北山播音牆(又叫做「心戰牆」),係用48個擴音器組成一棟三層樓高嘅建築物,播音牆就建於1967年對住大陸北山,係一處戰略軍事重點,係當年對抗中共嘅其中一個宣傳工具,為海峽兩岸廣播戰發揮咗重要作用。日日就用國語、閩南語廣播新聞、宣傳、批判、叫中共投降等等言論,又用撼動人心嘅心戰語,鄧麗君就喺1991年依度用播音牆向大陸同胞廣播…
估唔到30年之後,黃明志就喺度唱「墻外」俾大陸同胞聽,今次就無用播音牆,而係用互聯網,希望住喺防火牆內嘅同胞可以收到。
記得訂閱美港天下同埋按鐘仔,仲有分享出去畀大陸同胞聽依首歌。多謝大家收睇。
黃明志金門觀光主題曲【The Wall 牆外】https://youtu.be/WCLlFA9SiDI 

–—(介紹金門資料)—–
歷史的金門 http://www.education.ntu.edu.tw/school/history/News/2005/Jan-Mar/news20050106_1.htm
認識金門一二三 https://kinmen.travel/zh-tw/discover/kinmen
景點快搜 https://kinmen.travel/zh-tw/travel
必買伴手禮 https://kinmen.travel/zh-tw/shop/souvenir
大膽島 https://kinmen.travel/zh-tw/travel/attraction/1618
金東電影院 https://kinmen.travel/zh-tw/travel/attraction/1397
金東電影院回來了 https://www.cna.com.tw/news/firstnews/202009270051.aspx
船型堡 https://kinmen.travel/zh-tw/News/Details/2285
永不下沉的船型堡 https://kinmen-story.tw/article/1013
北山播音牆 https://kinmen.travel/zh-tw/travel/attraction/1394
鄧麗君和心戰牆:金門島上詭異的聲音武器  https://www.bbc.com/ukchina/trad/vert-cul-47506739
金門地圖 https://www.happinessho.com.tw/hot_334543.html
小三通香港經廈門到金門  https://www.triptaiwan.com/2018/10/19/金門交通/
八二三砲戰及其歷史意義 http://www.twcenter.org.tw/thematic_series/history_class/tw_window/e02_20010820

Published by Asia Sky Media

Welcome to Wonder Graphics Printing. Wonder Graphics Printing are using the most advanced technologies with the highest quality materials combining with our most unique design to make your business fly to the top. In addition to printing services, we also offer web design services to make your business move forward. We have started since 2006. To appreciate all the supports from our customers, we are offering the special for full color business cards (Only $95 for 5000). Please Facebook Message or Email for more details. 宏達印刷使用最先進的技術及最優質的材料,結合最獨特的設計,能使你的業務飛宏騰達。除印刷服務,我們還提供網頁設計服務,讓你的業務向前邁進。本公司從2006創立,為感謝所有客戶的支持,現正推行超級特價優惠,5000張彩色名片只需$95,詳情請微信或電郵查詢。